მებაღეობა

ლანდშაფტის პროექტის შესრულება

კურსი გაძლევს უნიკალურ შესაძლებლობას, გაეცნო ლანდშაფტური პროექტის რეალიზაციის პროცესს, შეისწავლო სამუშაოების დაგეგმვისა და შესრულების თავისებურებები და მიიღო მებაღეობის პრაქტიკული გამოცდილება.

პროგრამის ფარგლებში, გაეცნობი მებაღეობის ძირითად პრინციპებს, დეკორატიულ მცენარეთა ტიპებს და მათ საჭიროებებს, მონაწილეობას მიიღებ ტერიტორიის დაკვალვაში, ბილიკების მშენებლობაში, გაზონის მოწყობაში, სხვადასხვა ზომისა და ფორმის მცენარეების ჩარგვაში.

რას ისწავლი?

  • ლანდშაფტური სამუშაოების დაგეგმვისა და განხორციელების პრინციპებს

  • დეკორატიული მცენარეების მოვლის ტექნიკებს

  • ბილიკების და გაზონის მოწყობას

  • მებაღეობის ცოდნის პრაქტიკაში გამოყენებას

როგორ მიმდინარეობს სწავლება? 

კურსი მოიცავს პრაქტიკულ და თეორიულ სესიებს. მონაწილეები იმუშავებენ რეალურ ლანდშაფტურ პროექტზე, შეისწავლიან ტერიტორიის მოწყობას და საკუთარი ხელით შექმნიან ბაღის ელემენტებს.

კურსის დასრულების შემდეგ შეძლებ:

  • დამოუკიდებლად დაგეგმო და განახორციელო ლანდშაფტური სამუშაოები

  • უხელმძღვანელო მებაღეთა ჯგუფს ბაღის გაშენების პროცესში

ვისთვისაა კურსი?

  • მათთვის, ვისაც სურს მებაღეობის შესწავლა და მისი პროფესიად ქცევა

  • მათთვის, ვისაც ბუნებასთან მუშაობა უყვარს და საკუთარი ბაღის პროექტის შესრულება უნდა

  • დამწყები ლანდშაფტის არქიტექტორის ან დიზაინერისთვის, ვისაც ჭირდება პრაქტიკული გამოცდილება ლანდშაფტური პროექტის რეალიზაციაში

კურსი არ მოითხოვს წინასწარ მომზადებას.

კურსის პერიოდი

-

ლოკაცია

ჰაბიტატი | ლაგოდეხი

ლექტორები

დალი გორგიაშვილი
ფარნა მარღანია

სტუდენტების რაოდენობა

12 მონაწილე

ღირებულება

2100 ლარი

ტრანსპორტირება, განთავსება და სამჯერადი კვება შედის კურსის ღირებულებაში

შეგიძლიათ ისარგებლოთ განვადებით: საქართველოს ბანკი, TBC

კურსზე რეგისტრაცია

სილაბუსი

    • ლანდშაფტური პროექტი და მისი წაკითხვა

    • მასშტაბი, სიმბოლოები და ნიშნები

    • პროექტის განხორციელებისას სამუშაოების თანმიმდევრობა და მისი მნიშვნელობა

    • ადამიანის ზემოქმედება გარემოზე

    • წინასაპროექტო კვლევებისა და ადგილობრივი ბიომრავალფეროვნების მნიშვნელობა

    • მცენარე, როგორც ცოცხალი ორგანიზმი

    • პრაქტიკული სამუშაო: პროექტის მიხედვით ბაღის დაკვალვა სპეციალური ხელსაწყოების გამოყენებით.

    • ბაღის სამშენებლო მასალები, ბუნებრივი ადგილობრივი მასალის მნიშვნელობა

    • საყრდენი კედლები, მყარი ზედაპირები, კიბეები, მცირე არქიტექტურული ფორმები.

    • ბილიკები და ბაქნები

    • რელიეფის შეცვლა

    • წყლის ზედაპირები და მათი ტექნიკური მოწყობა

    • ნიადაგის, როგორც ცოცხალი ორგანიზმის განხილვა და მისი მნიშვნელობა

    • პრაქტიკული სამუშაო: ბილიკების მშენებლობა

    • ვერტიკალური ნიშნულები პროექტში

    • გეოპლასტიკა

    • ნიადაგის ფიზიკური და ქიმიური თვისებები, არსებული გამოწვევები და ნიადაგის დაცვა

    • პრაქტიკული სამუშაო: საპროექტო ვერტიკალური ნიშნულების გადატანა ტერიტორიაზე, მცირე საყრდენი კედლების მოწყობა

    • საპროექტო მცენარეების შერჩევა და განაწილება

    • ბოტანიკის საფუძვლები

    • მცენარეთა ძირითადი ჯგუფები

    • პრაქტიკული სამუშაო: პროექტის მიხედვით მცენარეების განაწილება და ჩარგვა

    • გაზონის ტიპები, უპირატესობები და გამოწვევები

    • მწერების როლი ბიომრავალფეროვნებაში

    • დეკორატიულ ბაღში გავრცელებული ძირითადი მავნე და სასარგებლო მწერები

    • პრაქტიკული სამუშაო: ნიადაგის ზედაპირის პლანირება, ბალახის დათესვა, რულონური გაზონის დაგება

    • საფეხმავლო ტური ლაგოდეხის დაცულ ტერიტორიებზე 

    • ადგილობრივი ბიომრავალფეროვნების გაცნობა

    • შესრულებული ბაღის მოვლა

    • მცენარეების ბაზისური საჭიროებები

    • ორგანული მებაღეობა

    • დეკორატიულ ბაღში გავრცელებული ძირითადი დაავადებები და მათთან ბრძოლის მეთოდები

    • პესტიციდების ნეგატიური ეფექტები გარემოზე, ალტერნატიული საშუალებები და რეკომენდაციები

    • კურსის შეჯამება, სერტიფიკატების გადაცემა

ლექტორი

დალი გორგიაშვილი – აგრონომი 5 წელზე მეტი გამოცდილებით.

მისი საქმიანობა მოიცავს აგრონომიას, ნიადაგმცოდნეობას და ეკოლოგიურად მდგრადი მიწათმოქმედების პრაქტიკების კვლევასა და სწავლებას.

ჰიდროპონიკის სათბურში აგრონომის პოზიციაზე მუშაობის შემდეგ, კახეთში, Walnuts.ge-ში საველე აგრონომად აგრძელებდა საქმიანობას, სადაც ჩართული იყო ნიადაგის ნაყოფიერების მართვის, მავნებლებისა და დაავადებების კონტროლის პროცესში. აგრარული გაცვლითი პროგრამის ფარგლებში, ერთი წელი ამერიკის ფერმერულ მეურნეობაში იმუშავა, სადაც ადგილობრივ აგრობიზნესსა და ფერმერულ მმართველობის მოდელებს გაეცნო.

Plant School-ის დაარსებიდან აქტიურად იყო ჩართული მებაღეობის თეორიული კურსის შემუშავებაში და ორი წლის განმავლობაში ასწავლიდა ნიადაგმცოდნეობას, მცენარეთა ბიოლოგიასა და დაავადებების მართვის პრაქტიკებს.

ლექტორი

ფარნა მარღანია – ლანდშაფტის არქიტექტორი 10 წელზე მეტი გამოცდილებით. Shengelia Landscape Architects-ის თანადამფუძნებელი.

2017 წელს დააარსა Plant Shop, მცენარეების მაღაზია, რამაც საფუძველი ჩაუყარა საგანმანათლებლო მიმართულების განვითარებას. სწორედ აქედან წამოვიდა Plant School და Plant Camp-ის საგანმანათლებლო ინიციატივები, რომლის ფარგლებშიც სტუდენტებმა მიიღეს მებაღეობის პრაქტიკულ და თეორიულ ცოდნა. ამ გამოცდილებაზე დაყრდნობით შეიქნა Habitat – საგანმანათლებლო პლატფორმა, რომელიც დღეს ბუნების გარშემო მრავალფეროვან კურსებსა და ვორქშოპებს აერთიანებს.

ფარნას კარიერა მოიცავს მრავალ წარმატებულ პროექტს, მათ შორის 2024 წლის International Archi Award-ის გამარჯვებულად დასახელებულ საუკეთესო ლანდშაფტურ პროექტს.

ის აქტიურად მუშაობს ლანდშაფტური სივრცეების განვითარებაზე და საკუთარ ცოდნას სხვადასხვა ფორმატით უზიარებს საზოგადოებას.

რეგისტრაცია კურსზე