ეთნობოტანიკა

ადამიანისა და მცენარის თანაცხოვრება

ადამიანი საუკუნეების განმავლობაში იკვლევდა მცენარეებთან თანაცხოვრებას და მათი გამოყენების გზებს. ეთნობოტანიკა ამ ცოდნის ხელახლა აღმოჩენაა.

ჩვენ მცენარეებთან ერთად ვცხოვრობთ — ვსუნთქავთ მათ მიერ გამოყოფილი ჟანგბადით, ისინი კი ითვისებენ ჩვენს მიერ გაცემულ ნახშირორჟანგს.

თუმცა მათი როლი მხოლოდ სუნთქვით არ შემოიფარგლება: მცენარეები გამოიყენება კვების, მკურნალობისა და ყოველდღიური საჭიროებებისთვის. მათ შესახებ ცოდნა საუკუნეების განმავლობაში თაობიდან თაობას გადაეცემოდა და ბუნებასთან თანაცხოვრების საფუძველს ქმნიდა.

დღეს, ტექნოლოგიური პროგრესის ეპოქაში, როცა ხელოვნური ინტელექტი ყოველდღიურობის ნაწილია, მცენარეთა სამყაროს ცოდნა დავიწყებას მიეცა.

ჩვენი მიზანია გავიაზროთ „ბუნებრივი ინტელექტიც“, — შევიცნოთ მცენარეთა სამყარო და დავუახლოვდეთ ბუნებას, რათა გავიუმჯობესოთ ცხოვრების ხარისხი.

შაბათ-კვირის ეთნობოტანიკის ვორქშოპი

ეთნობოტანიკა ჰაბიტატის შემეცნებითი პროგრამაა. მონაწილეები შაბათ-კვირის განმავლობაში იცხოვრობენ ლაგოდეხში, ჰაბიტატის კამპუსში და ლექციების, საველე გასვლებისა და პრაქტიკული ვორქშოპების გზით გაეცნობიან ადამიანისა და მცენარეების ურთიერთობის სიღრმეებს.

კურსიდან მიღებული ცოდნა დაგეხმარება გამოიყენო მცენარეები ყველელდღიურ ცხოვრებაში, გააზრებულად მართო ბუნებრივი რესურსები და მეტად დაუკავშირდე ბუნებას.

რას ისწავლი ვორქშოპზე?

• გაეცნობი მცენარეთა სამეფოს და მათი გამოყენების ტრადიციებს.

• ისწავლი ველურ ბუნებაში მცენარეების ამოცნობასა და შეგროვებას.

• შექმნი სამეცნიერეო და კვლევით ჰერბარიუმებს.

• ველური მცენარეების გამოყენებით მოამზადებ კერძებსა და სურნელოვან ჩაის.

• დაამზადებ ბუნებრივ საღებავებს და სამკურნალო მალამოს.
  

კურსის შემდეგ მონაწილეები სახლში წაიღებენ მოძიებულ ველურ მცენარეებს, ჰერბარიუმებსა და საკუთარი ხელით შექმნილ სამკურნალო მალამოს.

ვისთვისაა კურსი?

• ბუნებით დაინტერესებული ადამიანებისთვის

• დამწყები მკვლევრებისთვის

• მათთვის, ვისაც სურს ბუნებრივი რესურსის გამოყენების შესწავლა.