ეთნობოტანიკა

ადამიანისა და მცენარეების თანაცხოვრება

ეთნობოტანიკა არის მეცნიერება, რომელიც შეისწავლის ადამიანისა და მცენარეების ურთიერთობას, კერძოდ, როგორ იყენებდნენ და იყენებენ ადამიანები მცენარეებს სხვადასხვა კულტურასა და ეპოქაში.

ეს ცოდნა საუკუნეების განმავლობაში ყალიბდებოდა გადარჩენის, ყოველდღიური საჭიროებებისა და გარემოსთან თანაცხოვრების პროცესში. თაობიდან თაობას გადაცემული გამოცდილება დღესაც აქტუალურია, რადგან ველური მცენარეების შეგნებულ და პასუხისმგებლიან გამოყენებას შეუძლია მნიშვნელოვანი სარგებლის მოტანა ადამიანისთვის.

პროგრამა ფოკუსირებულია ადგილობრივი ველური მცენარეების გამოყენების პრაქტიკულ გზებზე. მონაწილეები გაეცნობიან ველური მცენარეების გამოყენების მრავალფეროვან ფორმებს, მათ შორის: 

• საკვები და სასმელები

• სამკურნალო და მოვლის საშუალებები

• ბუნებრივი საღებავები

• საყოფაცხოვრებო და პრაქტიკული გამოყენება

რას ისწავლი?

• ადგილობრივ ველურ მცენარეებს და მათ ტრადიციულ გამოყენებებს

• პრაქტიკულად შეისწავლი ველური მცენარეების დამუშავების სხვადასხვა მეთოდს

• მცენარეული პროდუქტების საკუთარი ხელით დამზადებას: სამკურნალო საშუალებებს, ბუნებრივ საღებავებს და სხვა გამოყენებით მასალებს

• მცენარეების პასუხისმგებლიან შეგროვებას ბუნებაში.

კურსზე მიღებული ცოდნა მონაწილეებს დაეხმარება, ველური მცენარეები აღიქვან როგორც ყოველდღიური ცხოვრების ნაწილი, გამოიყენონ ბუნებრივი რესურსები გააზრებულად და გააღრმავონ კავშირი ბუნებასთან.ს

პროგრამის პრაქტიკული ნაწილი:

• სამკურნალო მალამოს დამზადება

• ბუნებრივი საღებავებით ტექსტილის შეღებვა

• ჩაისა და სამკურნალო ნაყენების დამზადება

• სამეცნიერო ჰერბარიუმის შექმნა

• ველური მცენარეების იდენტიფიკაცია 

პროგრამას გაუძღვება დავით ჭელიძე - ბოტანიკოსი, რომელიც მრავალი წელია იკვლევს საქართველოს მცენარეულ სამყაროს და ეთნობოტანიკურ ტრადიციებს.

იგი მუშაობს ილიას სახელმწიფო უნივერსიტეტის ბოტანიკის ინსტიტუტში და არის არაერთი სამეცნიერო ნაშრომის ავტორი.

კურსის ფარგლებში ის საკუთარ პრაქტიკულ გამოცდილებას გააზიარებს და მონაწილეებს რეალურ საველე გარემოში ამუშავებს.